Sənaye xəbərləri

08.07.2010 11:34

Prezident Ilham Əliyev “Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair dövlət proqramı”nın təsdiq edib

Bakı-APA. Prezident Ilham Əliyev “Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair dövlət proqramı”nın təsdiq edilməsi haqqında sərəncam imzalayıb.
APA-nın AzərTac agentliyinə istinadən verdiyi xəbərə görə, sərəncamda deyilir ki, Azərbaycanın sosial-iqtisadi həyatında mühüm əhəmiyyətə malik olan dəmir yolu nəqliyyat sisteminin daha da inkişaf etdirilməsini, əhalinin və iqtisadiyyatın dəmir yolu nəqliyyatı xidmətlərinə olan tələbatlarının ödənilməsini, daşımaların təhlükəsizliyini, onun infrastrukturunun yeniləşdirilməsini, ölkəmizin ərazisindən keçən nəqliyyat dəhlizlərinin rəqabət qabiliyyətinin yüksəldilməsini, tranzit daşımaların həcminin artırılmasını, dəmir yolu sahəsi üçün kadrların hazırlanmasını təmin etmək məqsədilə Azərbaycan Nazirlər Kabinetinə tapşırılsın ki, bu sərəncamla təsdiq edilmiş Dövlət Proqramında nəzərdə tutulan tədbirlərin icrasını əlaqələndirsin və onun icrasının gedişi barədə hər ilin yekununa görə Azərbaycan Respublikası Prezidentinə məlumat versin və bu sərəncamdan irəli gələn digər məsələləri həll etsin.

bütün xəbərlər